ИН ЛЕТОПИСЕЦ ПОВЕСТВУЕТ, 4-Й ПЕРЕВОД

Лета 6388-го (880) по смерти велико(го)630 новгороцкого князя Рюрика, остася по нем сын его Игорь в дозоре Ольгови, вельможи сродникови своему, со всеми княжствы российскими, понеже Игорь млад еще бе, промыслом же Ольговым восприя княжение киевское, а Оскольд и Дир, князи киевстии, убиени быша. И тако княжение киевское скончася, которое от Киа, Щека и Кореа и сестры их Либеди начася.

А от князей варяжских, от Игоря Рюриковича прочий князие даже до великих князей московских родство свое изведоша. Сей же Игорь Рюрикович и весь род его от колена Августа кесаря тивириадцкого римского.

Вышепомянутый же Ольг, имея в дозорстве князя Игоря, облада странами многими по всей земли Росийской. При княжении же своем Ольг прииде на Москву реку, в нея же текут Неглинна да Яуза, и постави ту(т) град именова Москва, и посади ту князя, сродника своего, и ины многи грады постави во странах Российских (л. 298 об.). По смерти Ольговы великий князь Игорь Рюрикович нача сам княжити в Киеве, в Великом Новеграде, Пскове и на Белом озере, и на всех княжениях и землях и на полудне лежащих. Сей же Игорь еще живу сущу бысть Ольгу счетася со Олгою, премудрою красною девицею, правнукою Гостомысловою, от Пскова. Сия же Олга бысть баба великому князю Владимеру Киевскому.

И по сему летописцу град Москва создан бысть.